Ua iai nei se valaau mo Kuiniselani ina ia faataatia ese se tasi o ana fuafuaga o loo faia nei i nofoaga o iai i latou e aafia i gasegase o le mafaufau ona ua iai ni faamaoniga o loo aafia ai gasegase i lea faiga.
O lea fuafuaga lea e faaigoa o le blanket locked door policy ma e na o Kuiniselani le setete o Ausetalia o loo faatumaina pea lea faiga faavae e manaomia ai ona tapunia uma faitotoa ulufale ma faitotoa e ulufafo ai mai units poo potu o loo iai i latou o gasegase i le mafaufau.
Fai mai le mau a i latou o loo finauina le faamuta o lea faiga, o le tulaga lea na amata faailoa i le 2013 ma sa le ogatasi ma le tulafono o aiātatau i Kuinislanii, Human Rights Act ma le UN Convention on the Rights of Persons with Disabilities.
Na ta’ua e se tasi o fomai o loo lagolago i lea valaau, o le faiga faavae lea e ao ona toe faia iai se iloiloga ma e tatau ona iai le faitalia a auaunaga ia tau gasegase o le mafaufau i le tapunia ma le tatala o wards.
Na faailoa e nisi o sui mai le Advocacy for Inclusion o nisi taimi e fiu e tuu ni faaseā tusitusia i le pusa o loo i totonu o wards ia e iai i latou ua aafia i gasegase o le mafaufau ae leai lava se mea o faia iai.
