Ua unaia e le Pasefika le totino o Malo Aufaatasi lea latou te faia tulafono o le fela’ua’iga o oloa ina ia faavavevave taumafaiga ina ia toe faatulaga lea auaunaga ina ia faaitiitia le carbon dioxide i fela’ua’iga o uta faavaomalo.
O loo loma le fonotaga a le IMO poo le International Maritime Organization ia Tesema ma ua ta’ua e tatau i le soofaatasi lea ona faaitiitia le kasa greenhouse gas i le siosiomaga ina ia ogatasi ma le Paris Agreement.
O le fela’ua’iga o uta faavaomalo e pe a ma le 90 pasene o loo faatino ai fefaataua’iga a le lalolagi ma e maua ai pe ā ma le 3 pasene o le kasa o le greenhouse lea o loo alu ane i le siosiomaga.
O le 2018 na faaaoga ai e le IMO le faiga lea o le decarbonize shipping mo le faaitiitia o kasa oona ia e sao atu i le siosiomaga.
O loo iloilo la i le taimi nei lea faiga ma e tatau ona mautu iai se maliega pe a oo atu i le tausaga fou e pei ona lipotia e le leitio faavaomalo a Niu Sila.
