Ua manatu le alii lauiloa a Niu Sila i vaaalo o Mahe Drysdale o lona talitonuga o le malosiaga ma le pulega o loo faia nei e le High Performance Sport NZ i ana faaputugatupe poo funding ua alagatatau ai ona ta’ua tagata taaalo e pei o latou elite athletes o ni tagata faigaluega o le ofisa lea o le malo.
O le faamatalaga ua faia i le Employment Relations Authority lea o loo faia ai se molimau a Drysdale mo le The Athletes Cooperative, fai mai a ia o ia ma nisi o tagata taaalo e le o fiafia i le lē lava o sootaga ma le High Performance Sport NZ (hpsnz).
O le Athletes Cooperative o se totino fou lea o le iuni o loo avea ma sui o le tusa ma le 60 o le aualovaa ma le autietie uila o loo latou sailia nei se faatulagana mai le Authority mo se maliega e tusa o tupe maua.
O loo faatalia se faaiuga a le Authority i lea mataupu.
