Ua aloaia nei le folafolaina mai o le avea o Tony Brown se tasi o tama tuai o le All Blacks e avea ma faiaoga lagolago o le ‘au tele a Aferika le Springboks.
O le faiaoga ulu o Rassie Erasmus e pei foi ona folasia o le a o latou tapenaina le Springboks mo le isi Ipu o le Lalolagi e sosoo ai i Ausetalia i le 2027.
O Brown sa faiaoga i le Highlanders ma faiaoga lagolago foi ia Iapani ma o le a faaopoopo atu iai ma le faiaoga o le puipuiga o le a iai o Jerry Flannery sa avea ma hooker a Aialani.
Ua ta’ua i le lipoti o le a faalua ona fesagai le All Blacks ma le Boks i le Rugby Championships ua faatulaga i Aferika i Saute i le tausaga nei.
