O John Tamihere sa avea muamua ma se isi ta’ita’i o le Te Pati Maori lea ua faailoa mai ua filifilia nei e avea ma Peresetene fou o le pati. O lona uiga o le a suitulaga ai ia Che Wilson lea ua agai ese ma le tofiga ona o nisi o fuafuaga faaleaiga ma pisinisi.
O le 2020 na avea ai Tamihere o le isi ta’ita’i o le pati ma ua ia ta’ua i le televise tasi o loo taulai lana vaai ma ua sauni mo lona tofiga fou, fai mai a ia ua silafia e tagata Maoli a latou aiātatau ma ua tele gaioiga ua vaaia i magaala.
O le isi ta’ita’i o le pati, Debbie Ngarewa Packer na ia ta’ua ua talafeagai tonu le tagata ua filifilia i le tofiga lea ma ua aga atu nei le pati i le faigapalota o le tausaga fou i se tulaga ese i lona malosi ua iai i le taimi nei.
