Ua tofia nei se Hai Komesina fou o Niu Sila i le Atu Solomona ma ua filifilia iai e le minisita o le va i fafo, le susuga Jonathan Schwass e amata i lea tofiga i le faaiuga o le masina lenei.
Fai mai Mahuta e iai talaaga o atuuu e lua, Aotearoa ma le Atu Solomona ma e vavalalata foi le mafutaga e le gata i mataupu e faapei o le RSE Worker Scheme, avanoa sikolasipi ma le galulue faatasi male vaega o leoleo a le atunuu.
Fai mai le minisita o loo tumau pea Niu Sila i le lagolagoina o le nofo lelei i totonu o le Atu Solomona ma uunaia le nofo filemu ma le mautu i le vasa Pasefika. O lē ua fifilifilia sa avea ma Hai Komesina o Niu Sila i Vanuatu, Timor Leste ma le Sui Hai Komesina i le Atu Solomona. Ua faia lea tofiga ae lei leva atu nei ona sainia le maliega tau le puipuiga a le Atu Solomona ma le atunuu o Saint.
