O le loia sinia o Alex Su’a lea ua filifilia e le Sosaiete a Loia Samoa, le Samoa Law Society e avea ma ona peresetene mo le isi 12 masina.
Ua ta’ua lea i le lipoti a le leitio faavaomalo a Niu Sila i le Pasefika aemaise le Radio Polynesia e faapea o le vaiaso talu ai na faataunuu ai le fonotaga faaletausaga a le Sosaiete ma faia ai lea tofiga.
O Su’a sa tauaveina le tofi sui peresetene mo le silia ma le tausaga ina ua tofia lē sa avea ma peresetene, Su’a Helene Wallwork Lamb e avea ma Loia Sili i le tausaga talu ai. O lē ua filifilia e pei ona ta’ua i le lipoti, e fai foi lona ofisa loia ma sa avea ma loia talu mai le 2005.
O isi sui o le Pulega a le Samoa Law Society ua iai nei e aofia ai le sui peresetene, Faimalomatumua Mathew Lemisio, Teutupe o Maposua Tanya Toailoa, Failautusi o Violina Leilua ma concillors o Mauga Precious Chang, Shirley Malielegaoi ma Anne Matalasi.
