I le avanoa ai o le tofiga pule o le vaega o a’oa’oga ma polokalame o le atina’e o le lakapi i Samoa le High Performance Unit lea sa tauave e le tofa Seumanu Douglas Ngau Chun ua avea nei ma Ofisa Sili o le Lakapi Samoa, o lea ua faailoa lautele mai le filifilia o Matā’afā Ramsey Tomokino e tauaveina lea tofiga.
O se tamalii sa avea ma faia’ogaulu o le aulakapi a tamaitai le Manusina, ae sa lotolotoi foi i polokalame mo le tapenaina o le tatou ‘au tele le Manu Samoa faapea le tatou aulakapi ta’itoafitu.
Ua iai le faamoemoe o le pulega o le Lakapi a Samoa o le a maualuga se laasaga e siitia iai le tapenaina o alo ma fanau a le atunuu i taaloga faavaomalo i le tula’i mai o lea tamalii e tauave le pulea o polokalame uma tau i le atina’e o le taaloga lakapi.
