O le Faalapotopotoga a le Foreign Press Assosiation i Lonatona le FPA poo le Asosi o au faasalalau lea ua o latou filifilia nei le alii tusitala ia Daniel Faitaua e avea ma o latou Peresetene.
O le taimi muamua lenei ua filifilia ai se tusitala mai Niu Sila e avea ma Peresetene o lea Faalapotopotoga talu ona faavae mai, lea ua oo atu i le 134 tausaga o lea Faalapotopotoga.
O Daniel Faitaua ua iloga i lana galuega faa tusitala i totonu o Niu Sila ma le lalolagi atoa e ala i le tele o polokalame eseese. I le tausaga e 2019 na malaga atu ai i Lonatona o se sooupu a le TVNZ i totonu o lea atunuu mulimuli ane lea ua filifilia e avea ma Peresetene a le Asosi o FPA i Lonatona i Peretania
O Daniel o se alii Samoa na ola a’e kalaisetete i Niu Sila ua 45 tausaga o lona soifua ma e lē fou i le vaai a tagata lenei taule’ale’a ona o lona sao i galuega faasalalau i Niu Sila ma le lalolagi.
Ua suia nei e Daniel Faitaua le sa avea ma Peresetene talu ai nei o le sui mai Ausetalia le tamaitai o Kate Mccure. I luga o upega tafailagi na faaali ai le fiafia tele o lenei alii i le filifilia ai o ia mo lea tofiga maualuga.
“What a privilege to be given this opportunity and see the success of London’s FPA continue.”
