Ua faamaonia mai nei le filifilia ai o le alii o Carlos Spencer, lē sa iloga o le ‘aulakapi o le All Blacks, i le tele o tausaga e avea ma faia’oga ulu, o se kalapu lakapi i Aialani Terenure College RFC mo le isi tolu tausaga.
Faamauina i faamatalaga na malaga atu lea alii 49 tausaga i Dublin i le 3 vaiaso talu ai, e tapena mo lea galuega tāua.
Ma i le aga’i atu o Spencer i Aialani, na ia faailo ai o le sini o ana taumafaiga ia amata tapena ma fesoasoani i tupulaga o loo fāi mai i le taaloga lakapi i le atunuu.
I le faasolo ai o ana taumafaiga, o lea ua lipotia mai le amata lelei o lana konekarate, e pei ona manumālō ai le kalapu i se taamilosaga ua ta’ua o le Leinster Senior Cup i le ‘au a Lansdowne 25 ‘ai i le 15 o le ‘au.
Mo le silafia o Carlos Spencer, na avea foi ma faia’oga o ‘au:
- Lions Rugby Co (Johannesburg)
- The Sharks (Durban)
- EP Future Kings (Port Elizabeth)
- Sanix Blues (Japan)
- Hurricanes (Wellington)
- NOLA Gold Rugby (New Orleans Louisiana)
Na iai foi i le pulega o ‘aulakapi a tama’ita’i – The Blues ma le Black Ferns.
Na faailo e lea alii – o le taumafai pea ina ia manumālō i tele o taaloga aemaise o le taumafai lea e atia’e le taaloga i totonu o le tele o faaitu o lea atunuu.
Puna o Faamatalaga: https://www.facebook.com/share/p/16Rjj5v1Nb/
