Ua filifilia nei le tamaitai faipule ia Chloe Swarbrick e na te suia James Shaw, poo le isi taitai o le pati a le Greens.
Ua toalua ai nei taitai tamaitai o le Greens, Marama Davidson ma Swarbrick.
O le taeao ananafi na sau ai le faamaoniga mai le pati, ma ua faaalia e Swarbrick lona agaga faafetai i sui o le pati ona o lo latou talitonuina o ia.
E na o Swarbrick ma Alex Foulkes sui momo’e na faia iai le faaiuga, ma o Swarbrick lava lea na tele ina mafuli iai le lagolago a tagata lautele i luga o le social media i le faatoa sau i tua o lipoti ua faamavae Shaw.
Mai ia Shaw, e leai se isi e manao iai na i lo Swarbrick ma o se tasi foi e tu malosi i suiga lelei.
Saunoa Marama Davidson, ua ia faamanuia ma faafeiloai aloaia ia Chloe lea ua fai mai, o le a o laua tutu malosi e agaia le faigamalo ma ia suiga fou lea e lē o faigofie ia i latou ona talia.
