Ole sa avea ma premier o Niu Sau Uelese ise taimi e lei mamao atu, Gladys Berejiklian lea ua filifilia nei i seisi avanoa faigaluega fou ua faia ele kamupani fai telefoni ale Optus lea ua faamaonia mai ile latou pepa o faamatalaga o Berejiklian ole a avea ma faatonu pule,managing director ile kamupani .
Na faamavae Berejiklian mai le tofi premier ile masina o Oketopa tausaga talu ai ile maea onisi faamatalaga na aliae I lea taimi sa suesueina ai o ia ise tulaga sa ono ia solia ai le faatuatuaga sa tuuina ia te ia.
O le ofisa sili o le Optus, Kelly Bayer Rosmarin na ia taua le fiafia o le kamupani ile avanoa ua maua e galulue faatasi ai ma Gladys. O le aso 28 o le masina nei e amata aloaia ai Berejiklian ile galuega, fai mai a ia ua nofo sauni foi iai ma e mitamita ua maua le avanoa e faigaluega ai I lea faalapotopotoga tele ua tele lo latou sao I soifua o tagata Ausetalia.
