Ua faalauiloa e Leon McDonald le ‘au a le All Blacks o le a fetaui ma le ‘au malosi a Aialani A i le faaiuga o le vaiaso.
E aofia ai le kapeteni o Patrick Tuipulotu ma le sui kapeteni o TJ Perenara.
O le laina i luma ua aofia ai props o Aidan Ross ma Tevita Mafileo ma le hooker o Brodie McAlister.
O Josh Dickson e toalua ma Tuipulotu i le loka, Dominic Gardner, Marino Mikaele-Tu’u ma Luke Jacobsen i loose forwards.
I le laina i tua o Damien McKenzie, Roger Tuivasa Scheck ma Braydon Ennor o le a taaalo ai.
AJ Lam i le itu agavale i le pito i tua, Shaun Stevenson i le itu taumatau ma Ruben Love i le fulupeki.
Fai mai McDonald ua nofo sauni i le taaloga ma e le taumate o se luitau tele mo le All Blacks le fetauiga lea ma Aialani e faia i Dublin i le 8.45 i le taeao o le Aso Toonai taimi Niu Sila.
