O le a toe vaaia tamaitai o Ameliaranne Ekenasio ma Jane Watson i le ‘au a le Silver Ferns mo ana taaloga faavaomalo o le a sosoo ai nei e fetaui ai ma Jamaica ma Ausetalia.
O le ‘au e to’a 17 ua faalauiloa e le faia’oga Dame Noeline Taurua e aofia ai tamaitai e to’a 12 na taaalo i Birmingham i Taaloga a Malo o le Taupulega.
O Ekenasio ma Watson e pei ona lipotia e le Newstalk o loo aofia ai i le ‘au ina ua toe taliu mai livi sa feagai ai. O Elle Temu le isi sui fou o le ‘au ua ta’ua mai.
O le ‘au la e aofia ai: Karin Burger, Gina Crampton, Ameliaranne Ekenasio, Sulu Fitzpatrick, Maddy Gordon, Kate Heffernan, Kayla Johnson, Kelly Jury, Phoenix Karaka, Grace Nweke, Mila Reuelu-Buchanan, Shannon Saunders, Te Paea Selby-Rickit, Whitney Souness, Elle Temu, Jane Watson ma Maia Wilson.
