Ua faalauiloa autaitoafitu a Niu Sila o le a finau i le taamilosaga i Hamilton lea e faapea o le tausaga mulimuli foi lea o le a toe talimalo ai i vae o lea taamilosaga faavaomalo.
O se tasi lea o mafuaaga ua fili ai ‘au aupito lelei a Niu Sila mo le faamoemoe lea e le gata i le itupa o alii ae faapea foi i tamaitai.
O le ‘au a tamaitai le Black Ferns e aofia ai Niall Guthrie, Stacey Fluhler, Michaela Blyde, Tyla Nathan Wong, Theresa Fitzpatrick, Portia Woodman Wickliffe, Alena Saili, Jasmine Felix Hotham, Shiray Kaka, Sarah Hirini o le kapeteni, Risi Pouri Lane, Jorja Miller ma Tenika Willison.
O le taaloga muamua a le Black Ferns e fetaui ai ma le ‘au a Papua Niu Kini i le 11.44 i le Aso Toonai nei.
O le ‘au a alii le All Blacks Sevens e aofia ai Brady Rush, Akuila Rokolisoa, Dylan Collier, Ngarohi McGarvey Black, Sam Dickson, Amanaki Nicole, Joe Webber, Leroy Carter, Moses Leo, Che Clark, Sione Molia, Roderick Solo ma Regan Ware.
O le taaloga muamua a le All Blacks 7s e fetaui ai ma Tonga i le 16 minute e tea ai le 10 i le taeao o le Aso Toonai o muamua.
