Ua matuai faaleo le fiafia o le toatele o nisi o tagata Niu Sila I Ausetalia nei ina ua faamanino mai e le malo o Niu Sila le taimi o le a toe tatala ai tuaoi o le atunuu mo latou aemaise le lalolagi atoa, I le maua mai o le faamaoniga I le aso ole aso 27 o le masina nei o le a muai maua ai le avanoa o tagata niusila I Ausetalia e toe malaga atu ai I NIu Sila ua faailoa e nisi I talafou, o se tala aupito sili lea ua maua mo se taimi umi sa faatalitali ai ise faamaoniga o lenei tulaga.
Pei ona silafia sa toe suia e le malo o Niu Sila le fuafuaga sa tuuina mai muamua sa tatau ai ona tatala tuaoi ile masina na tea nei o Ianuari, ae ona o suiga lava o gasologa o le faamai sa toe taofia ai le tatalaina ma faatalia se faaiuga e faia ile mataupu.
O molimau a nisi I talafou ua taua ai e ui ua leva ona taliga se taimi e toe agai ai I niusila e asia aiga ma uo, peitai o le itu e faafetai ai o lea ua mautu mai le aso. O le toatele o I latou sa faailoa ua maea ona faia uma tui puipui ma ua nao le sauni lava mo le aso 27 ia vave ia ona taunuu mai ae sei malaga atu e asia aiga ma uo ua leva ona valavala.
O nisi e lei uma tui puipui ua faailoa ua maea nei lava ona book appointments mo le faamaeaina o tui ae sei agai atu loa e toe fia maua le ea malu ma le lanulauava o laufanua o Aotearoa.
