O se tala fiafia mo tagata Papamoa la latou falemai mo le 24 itula o le a tatala i le amataga o le tausaga fou.

O le masina o Ianuari lea o le a tatala ai le Consult365 a Papamoa, ma o le uluai falemai foi lea mo le 24 itula i le Bay of Plenty.

Mai le pulega o le a auauna ai i tagata lautele e lē gata o le mafai ona omai e vaai faafesagai, ae o le a mafai foi ona faatalanoa i luga o le telefoni.

E $89 e vaai ai le tagata matua, ae $49 mo le tamaititi, ma o loo iai le naunautaiga o le pulega ia mafai ona vaai fua fanau i lalo o le 14 tausaga faapea ai ma tagata matutua e umia Community Service Card e fua i le fesoasoani mai le Te Whatu Ora ma le Primary Health Organisation.

O le a mafai foi ona faia ai fā’ata i le Consult365, ma atonu o se taimi o i luma e tatala se faletalavai.

O se faamāmā avega tele mo tagata Papamoa faapea nuu lalata ane, lea o loo malaga mamao i le falemai i Tauranga i le leva o le po.