O Tasmania lea ua togi lona pulou I totonu o le maea mo le talimalo ai I taaloga a malo o le taupulega, Commonwealth Games ile tausaga 2026.
O le Premier o lea setete o Peter Gutwein ua lipotia I le 7 news sa tusi atu I le Commonwealth Games Australia ma talosaga aloaia ai mo le faia o lea tulaga e avea ai Tasmania ma host o ia taaloga.
Ua tulai mai lenei tulaga ina ua maea faailoa e Durban lo latou faasolomuli ese mai ma taaloga o le 2022 lona uiga e iu ina faasee ane Birmingham lea sa fuafua e talimalo I taaloga o le 2026 agai I le 2022 ae avanoa ai loa le 2026 pei ona talosaga nei iai Tasmania.
O le masina talu ai na fesiligia ai Melepone I sa latou tali pe fia talimalo I taaloga ia ae e lei faailoaina lava ni fuafuaga a Vitoria. Fai mai Tasmania o latou ua sauni e talimalo nao latou pe talimalo foi faatasi ma seisi setete I ia taaloga.
Fai mai le itu a le Leipa I Tasmania e pei ona faailoa foi I lea lipoti e leai ma se tulaga agavaa o Tasmania o iai e kiliva ai lea ituaiga auaunaga. O le tausaga mulimuli na talimalo ai AUsetalia I taaloga ia a malo o le taupulega o le 2018 I le Gold Coast.
