O loo faatagisia nei e leoleo le fesoasoani a le lautele i le suesuega o loo faia i le osofaiga o se alii fomai fainifo mai le itu i Saute o Sini.

O le fomai fainifo lea e 54 tausaga le matua, fai mai sa faia lana togafitiga i se tasi o ana gasegase i le aso 24 o Fepuari ae ulufale atu ni alii se toalua faaaupegaina i samala, na o la ave le fomai fainifo i le isi potu ma faaoolima ai ia te ia a o lei sosola ese. 

Na ave atu le fomai fainifo i le falemai mo togafitiga i manuaga i lona ulu ma lima.

E fa aso mulimuli ane ua ta’ua o se tina e na te silafia le fomai fainifo na ia faalogoina ni leo i luma o lona fale i Arncliffe ma ina ua ia agai atu i le faitotoa na ia iloa ai se mea e pei o se suauu ua sasaa i luma o lona fale.

Fai mai leoleo e foliga e lua ni mataupu o loo nini faatasi i le osofaiga lea ma o loo faaauau pea nei suesuega.