E toalima tagata na faamanu’alia i le afiafi o le Aso Toonai ina ua feto’ai pasi e lua i le taulaga faatau i Aukilani.
O le fetaula’iga o auala i le va o Queen St ma Wellesley St pe tusa o le ‘afa o le ono i le afiafi o le Aso Toonai lea na tupu ai, ma i lipoti o le toalua o le toalima na manunu’a, o lea na auina atu i le falema’i i Aukilani.
O isi tagata manunu’a o lea na togafitia i lea lava nofoaga.
E lē gata o taavale a le falema’i, taavale fuimu, leoleo ae faapea ai ma taavale na toso ai pasi na feto’ai lea na iai uma.
Mai le Auckland Transport o loo galulue faatasi nei ma leoleo faapea le kamupani pasi a o faasolo ai su’esu’ega o le mea na tupu.
Puna o Faamatalaga: https://www.rnz.co.nz/news/national/524766/five-injured-after-buses-collide-in-auckland
