Ua faamaonia ole a faia ni taaloga faavaomalo se tolu a le au lakapi a Ausetalia le Wallabies ile malae I Sini mo le uluai taimi talu mai le 36 tausaga talu ai. Taua I lipoti ile aso ole a taaalo le Wallabies ma le au a Enelagi ile series lea e tolu aso toonai sosoo o le a faia ai ile masina o Iulai o le tausaga nei.
O le au a Enelagi o loo faiaoga ai le sa avea muamua ma faiaoga o le Wallabies Eddie Jones ma ua fuafua o le aso 2, 9 ma le 16 o Iulai o le a faataunuu ai ia taaloga I Perth, Brisbane ma le taaloga faaiu I le SCG, le malae I Sini.
O le au lakapi foi a tamaiti le Wallaroos o le a lua ana taaloga faavaomalo I le masina fou. O le a fetaui ma Fiti I le 6 o Me I Lang Park atoa ai ma le taaloga ma Iapani ile aso 10 o Me I le Gold Coast.
