O le a fetaui tonu le toe foi mai o le alii o Tim Mikkelson mai manuaga ma le tapenaga a le ‘au taitoafitu a Niu Sila mo le taamilosaga taitoafitu a le lalolagi i Hong Kong.
O le 99 ai lea o taamilosaga a Mikkelson talu ona avea ma sui o le taitoafitu a Niu Sila.
Na faalauiloa i le asō e le faiaoga o Clark Laidlaw i lana ‘au ma faailoa ai o se faamalosiau tele mo le ‘au le toe malosi ane o Mikkelson.
O le vaiaso fou le vae lea o le taamilosaga ua ta’ua o le a muai fetaui ai Niu Sila ma Samoa ae o loo pulu faatasi ai foi ma Hong Kong ma Ausetalia.
O le ‘au ua faalauiloa i le asō e aofia ai Kurt Baker, Leroy Carter, Dylan Collier, Sam Dickson, Moses Leo, Ngarohi McGarvey Blac, Tim Mikkelson, Sione Molia, Tone Ng Shiu, Amanaki Nicole, Akuila Rokolisoa, Regan Ware ma Joe Webber.
