Ua feta’ua’ina sa faaoolima se alii i lona tuaoi a o ia lei tutuina le afi na mu ai le fale o lea tagata i le itu i Sisifo o Wollongong.
Fai mai le lipoti a le 7News e lē na o le tasi se moliaga ua faia nei i lea tagata, e lē gata ina feta’ua’ina o moliaga i le faaoolima ae o le tutuina o le afi.
E 40 tausaga le matua ae 56 tausaga o lona tuaoi na faaoolima iai i se unit i le itu i Sisifo o Wollongong ma o le aoauli ananafi poo le te’a o le 12 na tupu ai lea faalavelave.
Togafitia e paramedics lē sa faaoolima iai lea tagata ma avatu ai i le falemai i Wollongong.
Fai mai le 7News e toe foi ane leoleo e faatalanoa le tagata lea o loo feta’ua’ina na faaoolima i lē ua aafia, ae ua sasao atu le afi i le unit sa aumau ai le tagata na aafia.o
Ua feagai nei la ma moliaga e pei ona ta’ua atu ma e lei taliaina le tatala i tua ma ua fuafua e tulai i le asō i le faamasinoga.
Puna o Faamatalaga: https://7news.com.au/news/man-allegedly-assaults-neighbour-before-lighting-unit-on-fire-in-west-wollongong-nsw-c-14656182
