Ua iai lipoti ua fetauaina ile aso e faatatau ile le faamaoni poo le faimamago ua aliae mai ile Iunivesite o Aukilani, faamatalaga e faapea o tamaiti aoga o loo faia suega I luga o upega tafailagi o loo potopoto I group calls ma faatalanoa ai tali o le suega.
Ua taua mai I le ZB o loo lipotia le faia o se suesuega I le mataupu lenei. O se tamaititi aoga e le o fia faailoaina le igoa na ia faailoa I lea lipoti na faia le faaiuga ale Iunivesite e fai le suega I luga o upega tafailagi ile tausaga nei mo faculties uma o le aoga ina nei toe iai seisi tapu o le koviti.
Peitai ua faailoa ole system fou o loo faaaoga e faamoemoe tele I le faamaoni o le tamaititi aoga e sign in ai ma faamaoni ile faiga o le suega peitai la fai mai pe a ma se itula talu ona amata se tasi o suega I le vaiaso talu ai, ae maua atu se valaaulia e auai ai I seisi channel ma ina ua join iai le tamaititi aoga lea na iloa ai e 38 isi tamaiti aoga foi o loo I luga o le group call lea o loo faatali mo le amataina ole suega ae sei faasoa a latou tali ma malamalama e fai ai le suega. Fai mai e faapea foi le mea na tupu I leisi suega I le vaiaso na tea nei.
O le faamatalaga a se sooupu o le Iunivesite o loo taua I lea lava lipoti ua faailoa ai o lea faatoa iloa nei e le Iunivesite le faaletonu ma o le a faia le suesuega ma faasala I latou e faamaonia le solia o aiaiga o le faatinoina o suega.
