O le a faatalanoa e le Palemia o Niu Sila, Jacinda Ardern mataupu e faatatau i aiātatau a Saina ma fesiligia nisi o fuafuaga i le Pasefika pe afai ae feiloai ma le peresetene o Saina, Xi Jingpin i le faaiuga o le vaiaso i le fonotaga a le APEC.
O loo ta’ua e le televise a Niu Sila o taitai e toalua o le a feiloai i se fonotaga i le summit lea pe a faataunuuina. E lei faamautuina mai e le Palemia lea feiloaiga ae ua ta’ua e le Palemia o le a afea lava mataupu ia aemaise i nisi o gaioiga a Saina e pei o le mataupu i le Pasefika.
Fai mai Ardern e ui o loo malosi le sootaga tau fefaataua’iga i le va o atunuu e lua ma iai foi isi mataupu e malilie faatasi ai e pei o suiga o le tau ma le puipuia o tagata mai le faamai, ae e iai foi isi tulaga e eseese ai.
Ua ta’ua foi i le lipoti o loo iai le fuafuaga e feiloai le Palemia ma le sui peresetene o Amerika, Kamala Harris.
