I le vaitau o le tele o luitau o loo feagai ma aiga aemaise lava i le tau o le soifuaga ma le sailia o taumafa i aso taitasi, o le faaopoopo mai iai o le tau malulu e atili faateteleina ai ia luitau.
Ina ia fesoasoani pea i nei tulaga ma tuuina foi se fesoasoani i le City Mission i le latou auaunaga faifaipea i le fesoasoani ai i tagata i meataumafa, ua toe faaauau ai e le kamupani a le New World lana Family2Family Foodbank appeal mo le lima ai lenei o tausaga e fesoasoani ai mo i latou e manaomia le fesoasoani.
E lē gata i lea ae o le faamalieina o ana folafolaga i lana mau tauave i le faaperetania ‘Here for NZ’.
Faailoa e le lipoti mai le televise tasi, o se vaega la o lea taumafaiga amata mai i le aso 8 o le masina lenei seia oo i le aso 5 o Me e mafai ai e tagata faatau a le New World ona o latou faatumu se ato i ni oloa e masani ona tuuina i le foodbank pe faaaogā foi le ato $20 ua saunia ona tuuina lea i le vaega ua saunia e tuu ai e aoina ai ia foai.
O i o le a faamaopoopo ai e le aufaigaluega a le New World oloa ua foaia ma avatu i le City Mission.
E iai foi ma le $250 afe ua foaiina e le New World e pei ona ta’ua i le lipoti e lagolago ai le City Mission.
Puna o Faamatalaga: https://www.1news.co.nz/2024/04/08/new-world-shoppers-helping-city-missions-and-food-banks-ahead-of-winter
