E ui ua mae’a le vaiaso e faamamaluina ai aafiaga o taaloga faitupe ae o loo maitauina le faaauau ai e le Mapu Maia o lea vaega tāua poo le Gambling Harm Awareness.
O loo tata’i pea le tele o a latou faasoa ma faamanatu i tagata lautele, o taaloga faitupe e faaletonu ai mafutaga ma aiga, o fanau faapea galuega.
E lē gata i lea ae e faapena foi ona aafia ai le faasoa i le itu tau seleni ma tele ai le popole ma le lē mautonu.
Ma ua o latou faailo foi auaunaga e mafai ona fesoasoani ia i latou o loo feagai ma faafitauli o aafiaga o taaloga faitupe e pei ona iai sui e iai le tomai ma le agavaa e fesoasoani i tagata.
Faamauina e leai se totogi mo le auaunaga e talatalanoa ai ma sui o le Mapu Maia ma i tulaga o puipuiga o le tagata e leai se faamatalaga e tasi e faasoa atu i tua, pe tapu ona faailo faamatalaga e uiga i le tagata o loo autovaa atu mo se fesoasoani.
E lē gata ina faasolo le tuu atu o le tau’au fesoasoani a le Mapu Maia i tulaga o aafiaga o taaloga faitupe ae o loo maua foi le fesoasoani mo le soifua mālōlōina ma fale e nonofo ai, aemaise o faamāmāavega i le itu tau meaai taumafa pea ua lē lava le faasoa ma ua vave moomia e aiga.
O loo tatala le faitoto’a o le Mapu Maia mo le mamalu lautele pea moomia se fesoasoani ma le faatalanoaina o se faafitauli.
