O le afioaga o Samatau i le motu o Upolu ma le itumalo o Satupa’itea i le motu o Savaii, ua afea i le agalelei o le malo o Iapani i lalo o polokalame fesoasoani a lea Malo, o le a fausia ai se falea’oga o Samatau ae o le a faaleleia ai le vai taumafa o Satupaitea.
Ua faailoa e le ofisa o le malo o Iapani i Samoa le sainia o maliega ma sui o Samatau ma Satupaitea mo le faamatuuina atu o le vaegatupe e $458,000 tala mo le faaleleia o le vai taumafa mo tagata o alala i le itumalo o Satupaitea, ma le vaegatupe e $400,000 mo le faleaoga fou o Samatau, ona ua lē saogalemu le faleaoga tulagalua tuai.
O le faaaogāina o le vaegatupe ua tuuina atu ia Satupaitea o le a sui ai ofe paipa tuai i ofe fou, ma le faaaogāina o se vaimamā e faamautu ai le lelei atoatoa o le suavai mo le faaaogāina e tagata o le itumalo.
O loo tulimata’i e le fesoasoani a Iapani le taimi e mae’a ai ia galuega ona o loo fia tuliloa le tulaga lelei o le a iai se faleaoga fou e fausia, ma le saogalemu o le suavai taumafa mo i latou e faaaogāina.
O le amepasa o lea Malo i Samoa sa ia sainia maliega ma sui o Samatau ma Satupaitea.
O lea maliega ua iai ma aiaiga o le faaaogāina o vaegatupe.
