Pe a ma le 2 afe tagata e umia fale i Niu Sa Uelese ua aafia i lologa i le setete o le a amata atu i le asō ona agavaa i le tuuina i lalo, toe lipea ma malie foi i fetuunaiga mo lona fale i lalo o se fuafuaga fou a le malo pei ona ta’ua i le 9News.
O le fuafuaga lenei e 800 miiona e faaalu ai ae faatupe e le Feterale ma le Setete o le a lagolago ai i latou e ana fale ia ua aafia i lologa mai le va o Fepuari ma Mati i le tausaga nei mai faaitu faalotoifale o Ballina, Byron, Clarence Valley, Kyogle, Lismore, Richmond Valley ma Tweed.
Ua ta’ua foi o lea fuafuaga ma le Northern Rivers Resilient Homes Fund o le a maua ai fesoasoani tau tupe e oo atu i le 100 afe mo le tuuina i lalo o fale pe oo atu foi i le 50 afe le fesoasoani mo le toe fesiitai o fale i nofoaga saogalemu.
O le asō na folafola faatasi mai ai nei faamatalaga e le Palemia ma le Premier o Niu Sa Uelese mai le faaitu o Lismore.
