Ua tau faai’ui’u le masina lenei o Oketopa ma se tasi o fesoasoani ua faailoa lautele mai, o le a maua ai e le atunuu le auaunaga a foma’i mai Amerika e faapitoa i le vaaia o oloa poo nifo faapea fofoga poo mata.
O se tasi lea o polokalame fesoasoani ua faaigoaina o le Pacific Partnership Free Health Screening, o le a mafai ona maua ai ia foma’i faapitoa mai fafo i le maota gasegase o Tupua Tamasese Meaole, faapea falema’i faaitumalo i Faleolo, Lalomanu, Poutasi, Saanapu ma Lufilufi.
O le a maua foi lea auaunaga faia fua i le hall a le EFKS i Mulinuu.
O le aso 24, 27 ma le 31 o Oketopa o le maota gasegase i Motootua e talaaao iai le atunuu, ae o le aso 25 o le hall a le EFKS i Mulinuu.
O falema’i faaitumalo e pei o Faleolo o le aso 27 o Oketopa, falema’i faaitumalo i Lufilufi o le aso 31 o Oketopa, aso 30 o Saanapu, 29 o Poutasi ma le aso 28 o Lalomanu.
O avanoa lē aumaua nei e maua ai foma’i mai fafo mo le vaaia o tagata o le atunuu o faaletonu fofoga ma oloa ae leai se tupe e totogia.
