O lea e lei leva ona tatala le sosooga fou o le motorway i le va o Puhoi ma Warkworth i Matu, peitai o lea ua iai galuega faaleleia ua faia iai ma ua fesiligia ai nei lona saogalemu.
E $880 miliona le tau atoa o le motorway fou lenei, ma i lipoti o lea ua vaaia le ta’e o nisi o puipui o le auala e mafua mai i taimi e solo ai le palapala.
O tala a le leitio a Niu Sila o lea lava na iloa e le pulega o femalagaa’iga le faafitauli lenei ae e lei ootia le lipine i le masina ua alu ma mai inisinia o mea lava e tutupu.
Peitai, mai le Waka Kotahi e le o se matuai afaina tele ma o le auala foi o loo matuai lava lona malosi i taimi e faaletonu ai le tau faapea ai ma lona saogalemu.
Ua sau ai foi ma nisi o tala o lea lava na iloa e le Waka Kotahi e le mafai ona fau se motorway i luga o le fanua ua fau ai nei ma ao fau le motorway pe a ma le 30 isi mauga solo na faamauina i lea taimi.
Mai tagata suesue faapitoa, e feololo le faaleagaina ua iai nei na i lo isi e toe tulai mai pe afai ae toe sosoo le motorway lenei e faaauau atu i Matu.
I se lipoti mai le minisita o femalagaa’iga David Parker, o lea ua ia tapa vave se tali a le Waka Kotahi e tusa ma le tala ua sau ma ua faaalia ai foi e le minisita ua tatau ona toe tapuni pe afai e le o saogalemu.
Ae mai le pulenuu o Aukilani, Wayne Brown o le maimauga o le fia miliona na alu ai.
