O le malupuipuia ma le mautinoa le teu lelei o talafaasolopito o vaega uma na tutupu i aiga Pasefika i tausaga e tele ua tuanai e ala i osofaiga faailogalanu i tagata Pasefika poo Dawn Raids i totonu o Niu Sila na fesiligia ai e nisi na tutupu ai nei faiga lē alofa pe faafefea ona puipuia e le malo o latou talafaasolopito nei.
O le faailoaina o le tala o le tupe mo tagata Pasefika i le vaiaso nei i le Fale Samoa i Magele na lāgā ai manatu o tagata auai ona o le fuafuaga ua iai nei le $13.7 miliona tala Niu Sila e faaaogāina lea i le tuufaatasia o tala, fatuga poo ata pupuu e faamatala ai le talafaasolopito o osofaiga nei aemaise o le tuufaatasia ai o faasoa a tagata na tutupu ai nei osofaiga.
O le fesili sa tuuina atu i le Minisita o Tagata Pasefika ma sui faipule Pasefika o loo i le Palemene o Niu Sila pe faapefea ona puipui e le malo nei talafaasolopito ona e oo mai i le taimi nei o loo pagatia pea tagata na tutupu ai faiga faailogalanu ia a leoleo Niu Sila e ui ua silia ma le 50 tausaga.
Na tali le Minisita afioga Aupito Su’a William Sio e faapea o le taimi nei o loo galulue i se faiga e mafai ai ona teu malu ma puipui nei talafaasolopito ma e iai le taimi e faailoa ai le avanoa e agai atu ai tagata e fai a latou faasoa ona faamalamalama lea o vaega ia ina ia manino.
E pei ona silafia na faialoa i lipoti e oo atu ma le $196 miliona le tupe o le paketi a Niu Sila mo lenei tausaga faaletupe ua faapitoa mo tagata Pasefika o le a fesoasoani i vaega moomia e aofia ai tulaga tau aoaoga ma le soifua maloloina.
The Pacific Peoples package includes:
- $49.9m – Pacific Provider Development Fund – support Pacific providers to adapt models of care into new health systems
- $49m – build up to 300 homes over 10 years for Pasifika in eastern Porirua
- $20m – diabetes prevention and treatment programme for Pasifika in South Auckland
- $18.3m – Toloa STEAM programme (Science, Technology, Education, Arts and Mathematics)
- $15.5m – Pacific economic development – support “shovel-ready” Pacific businesses & social enterprises
- $13.7m – Dawn Raids historical package
- $13m – growth of Pacific bilingual and immersion schooling workforce
- $8m – Tupu Aotearoa – Pacific employment and training services
- Up to $5m (reprioritized funding) – professional learning and development (PLD) focused on Tapasa: cultural competencies for teachers of Pacific learners
- $2m – Tuli Takes Flight and Pacific Education Foundation Scholarships – education scholarships to address education system inequities
- $1.6m – Pacific Work Connect Programme – Pacific migrant support service
