E tele fesili ua toe lāgā mai nei ona o le malaga na o ai nisi o sui o le ofisa o leoleo i Saina.
E to’a 33 sui o le aumalaga ma o le masina o Oketopa na o ai, o loo faamatalaina ai na o lava latou, e faatupe lava e le tagata ia ma le faamoemoe e o e una’i le faalauiloa o aganuu.
O le silasila a lē sa avea ma Minisita o Leoleo i le paeaiga faato’ā uma atu, Andrew Little, o se malaga na o ina ia faaauala mai ai faiga a Saina ma lona malo ma e iai lona popolega.
Sa fesiligia e Little le fai mai na faatupe lava e le tagata ia lona pasese ma isi uma tupe faaalu, ae o lea e oo atu i Saina faatupe e isi.
Ua faamautinoa mai e le sui komesina o leoleo i tala a le leitio faavaomalo a Niu Sila, o le aumalaga na o sa ave uma o latou aso livi ma o lea foi na tapena uma e se tasi o pule Aukilani faatasi ma le fesoasoani a se tasi o ofisa malaga.
O le finau a Little e tatau ona toe faailoa mea na maua fua e le aumalaga a o iai i Saina, ma e tatau foi i faaulu o le ofisa leoleo ona silasila toto’ a i mea nei.
Ua faamautinoa mai e le Independent Police Conduct Authority ananafi o lea ua faaulu aloa’ia atu le faaseā e faatatau i le malaga na alu.
Puna o Faamatalaga: Police China trip a classic bid to ‘curry favour’ – Andrew Little | RNZ News
