Ua toe maua mai i faamaumauga o le paketi e leai se lagolago a le vaega o tupe poo Treasury i le polokalame o loo maua ai fua ai lunch a fanau aoga.
O le lipoti mo le minisita o tupe, Grant Robertson o loo maua ai i iloiloga na faia e leai ma se fesootaiga o lunch maua fua nei ma le toaaga o fanau aoga i aoga i aso uma ma e le tele foi se penefiti mo fanau Maori.
O faamaumauga lava foi nei o loo iloa ai o le faaiuga o le tausaga lenei e uma ai le tupe na faaagaga mo le poloketi ma o loo faamoemoe le minisita o aoga Jan Tinetti e avea ma tupe faaalu e faaauau ai pea e lē muta.
Peitai mai le vaega o tupe, e na o le lua tausaga lea na latou fautuaina e toe faaauau ai, ma e foliga mai i le lipoti o loo fesiligia e le vaega o tupe le aogā o le polokalame pe a faatusa i le tupe alu.
O loo sau ai foi i le lipoti le tusa ma le 10,000 lunch a fanau i totonu o le aso e tasi e sili poo meaai totoe ma ua fai mai ai le vaega o tupe ua tatau ona toe silasila iai.
Ae i nei faamaumauga uma ma tala o le paketi, o loo sau ai fautuaga a le Treasury ua moomia le faamuamua o itu e aofia ai aoga o loo matuai moomia le aapa mai o le malo ona o le taugata o le soifuaga ma e patino lava lea mo tagata Maori ma Pasefika.
