Ua fesiligia e le Palemia Jacinda Ardern polofiti tetele a faletupe i le taimi o loo tigaina ai tagata i le tau o le soifuaga.
O le faletupe a le Westpac le faletupe lata mai ua faalauiloa lana polofiti $1.16 piliona, faatoa uma ai lea ona faailoa o le $2.064 piliona a le ANZ ao le BNZ o loo faatali e faailoa a taeao.
Saunoa le Palemia e le fetaui nei polofiti ma o le faigata o le mataupu lenei e le o i le malo se tali o le faafitauli.
Ua lu’i ai e le Palemia faletupe e toe tagatagai i faiga faavae ma siaki poo fai le mea sao.
E lei mafai foi e le Palemia ona faamautinoa mai pe faamata e ono suesueina e le komisi o pisinisi lenei mataupu e pei ona faia mo supamaketi, suauu ma kamupani faufale.
E le o mapu le fesiligia o le Palemia i se fesoasoani mai le malo.
