O loo finau mai le AMA poo le Australian Medical Association e lelei ona faailoa e le Kapeneta le fautuaga na o latou faaaoga e faamāmā ai tulafono o le faanofoesea e pei ona faailoa e le palemia i le asō.
E pei ona faailoa atu ua faaitiitia nei aso e faanofoesea ai le tagata pe a maua i le koviti mai le fitu i le lima aso pe afai e le tigaina ni auga ma o le a amata faamamalu i le aso 9 o Setema.
A ua fesiligia e le AMA le tulaga ua faavae ai lea faaiuga ona fai mai a latou i lalo o le suiga lea o lona uiga e oo atu i le 1/3 tagata e aafia o le a faaauau pea ona iai le avanoa e pepesi atu ai le faamai i isi pe a agai i le komiuniti.
E le o faailoa se tali a le palemia ma le kapeneta ae fai mai finagalo faaalia o nisi e atamamai faapitoa i auaunaga ia faafomai, ua vave tele le taimi ua fai ai ia suiga.
