E umi se taimi o le a toe faaleleia ma faamamā ai vaega o le South Island ua matuai faaleagaina ona o lologa ma tafega.
O le fe’au lea anapo a o feiloa’i sui o le malo faapea le Palemia Jacinda Ardern ma tagata aafia I le fonotaga na faia i Nelson.
O le iai o le palemia i le South Island o le a asia ai vaega ua matua’i faaleagaina aemaise o le feiloa’i i le faitau selau o tagata na aveesea faamalosi mai o latou fale ina ua pa le vai i Maitai.
O le asō o loo faaauau ai asiasiga ma fonotaga a le tamaitai Palemia i pitonuu aafia a o faatumau ai pea poloa’iga o faalavelave faafuase’i mo Nelson faapea Marlborough.
I asiasiga na faia ma faamaumauga na iai i le fonotaga anapo e faapea e 570 fale ua faaleagaina ma e iai fale e lē mafai ona toe nofoia.
E lē o faigofie I nuu pito I luga o le South Island e le gata o le faaleagaina o meatotino a o le momotu ese atu o le tele o nofoaga o iai ona o loo tapunia pea auala ua faaleagaina
O le fonotaga anapo na faatalosagaina ai foi e le faitau selau sa auai ai se fesoasoani mai le malo
