Ua maua le feiloaiga a le Palemia o Niu Sila ma King Charles a o lei oo i le Aso Toonai o le sauniga e faapale aloaia ai le alii Tupu.
O le po anapo na feiloai atu ai Chris Hipkins ma e faapea o se talanoaga e tele mataupu o loo aafia ai Niu Sila na talanoaina ai.
O le malaga ese atu ai o le Palemia o Niu Sila e mo le sauniga aloaia i le Aso Toonai ma o lea lava foi na ia faailo ae e lei tuuvaa ese atu o le a feiloai ma sui o le aigatupu faapea nisi o asiasiga e pei o lona asia o le ami a Niu Sila o loo iai i Europa mo le koleniina o fitafita Ukraine.
O lologa ma le afā na afatia ai Niu Sila i le amataga o le tausaga se tasi o mataupu na lotea ai anapo, seia oo atu ai i suiga o le tau.
O le itula e 1 Ie vaveao analeila taimi Niu Sila lea na faia ai le feiloaiga i Buckingham Palace, ma a o lei feiloai atu i le alii Tupu o lea na muamua feiloai ma Prince William i le taeao ananafi.
