Ua feiloai atu le Palemia o Ausetalia Anthony Albanese i le tupu o Peretania, King Charles poo Tupu Salesa a o lumanai ai le faataunuuina o le faapaleina aloiaia o ia, poo le coronation e pei ona malaga ai le toatele o taitai o le lalolagi e molimauina i Lonetona. 

O le asō ua faailoa ai e le Palemia Albanese o le a ia tautino lona mulimuitai i le aigatupu, oath of allegiance ma ia ta’ua ai i se faatalanoaga ma le alii faasalalau o Piers Morgan, o lona manatu e tatau ona iai se faauluuluga lava ia o Ausetalia poo le head of state ma e tatau foi ona filifilia ma iai se sao iai o le maota o sui ma le senate i lea mataupu.

O le Palemia o Ausetalia o se tasi o taitai o le lalolagi ua muai taunuu i Lonetona ma feiloai atu i le aigatupu i se sauniga faapitoa sa faia i le aso ananafi.