E manatu le Palemia o Ausetalia, Anthony Albanese o se faaaloalo maualuga le taliaina aloaia o ia e le Peresetene o Amerika, Joe Biden i le Fale Paepae ma lona ofisa i le vaiaso nei a o iai i lana malaga i le malo tele.

Faailoa e Biden i lipoti o le a faatalanoa i le la feiloaiga lea le lagolago mo Ukraine lea o loo faaauau ai pea osofaiga a Rusia aemaise o le mataupu pe faapefea ona tutu faatasi ma Isaraelu i le vevesi o loo iai nei ma le Hamas. 

Sa saunoa Biden ma faafetaia Albanese ma lona malaga atu i Amerika, o se faaaloalo maualuga foi mo ia ma ia faafetaia foi le taitaiga ma le faigauo ma Albanese.

Sa faatoese foi le peresetene o Amerika i le lē taunuu o lana malaga sa fuafua mai mo Ausetalia i le amataga o le tausaga nei.