O le aso muamua o le tau mafanafana poo le summer i Ausetalia ua vaaia ai timuga mamafa ma lologa faafuase’i i nofoaga i NSW.
Fai mai le SES e 313 valaau mo se fesoasoani na o latou aga’i atu iai i totonu o le 24 itula talu ai.
O le sui komesina o le SES, Paul McQueen na ia faamanatu i tagata e tāua le nonofo saogalemu aemaise lava i le taimi o lologa faafuase’i.
Fai mai McQueen e ui e leai se soifua na aafia ae o le feau e tāua lava, aua ne’i aveina taavale pe tietie foi ma taaalo i nofoaga o loo lolovaia.
Na ta’ua e le sui komesina e fia faafetaia foi nai tagata o loo faatino gaioiga tau le saogalemu ma foia ai le oo o nai volunteers i se tulaga e lamatia ai soifua pe a aga’i atu e faatino ni galuega lavea’i.
Puna o Faamatalaga: https://www.9news.com.au/national/weather-news-pictures-2024-australia/73f884dc-c35e-44d4-a350-74a73289706d
