Ua iai le siitaga fou o le totogi pito maualalo o tagata faigaluega i kamupani ma pisinisi tuma’oti i Samoa lea na amata faamamalu i le aso muamua o le masina nei o Iulai, ma ua sii ai nei mai le 3 tala i le itula sa iai, i le 4 tala 84 sene i le itula.
E 4 tala ua amata ai ona totogi tagata faigaluega o pisinisi ma kamupani, ae faato’ā faamamalu le siitaga atoa e 4 tala 84 sene i le masina o Iulai o le tausaga fou 2025.
O le tau faai’ui’uga o le masina na te’a nei o Iuni na ave ai le faailoa a le Matagaluega o Alamanuia, Pisinisi ma Leipa i le aufaipisinisi ma kamupani sa logo iai lea siitaga ma ona aiaiga.
Ua faafetaia e le Ofisa Sili o le Iuni a tagata faigaluega le Samoa First Union le Malo i le siitaga fou ua pasia e le Kapeneta.
Le Ofisa Sili o le Iuni a tagata faigaluega i Samoa susuga Seveaoga Saina Tomi Setu.
Ua ta’ilu a nei tausaga ma iloilo le totogi pito maualalo le minimum wage e pei ona sa pasia e le Palemene lea suiga i le tulafono o le faafaigaluegaina o tagata.
