Ua faasolo atu Niu Sila i masina tau mafanafana ma ua faaitiitia foi le aofai o tagata aafia i le koviti ae manatu le au popoto i mataupu ia e lapataia le atunuu i se wave e ono faalavelavea ai fuafuaga a tagata i le tau mafanafana.
Fai mai le lipoti i le Newshub o nisi o subvariants fou o le faamai o loo matauina le siitia pea i atunuu i fafo ma ua faailoa e se tasi o tagata e tele le silafia i mataupu faapea e ono oo mai i Niu Sila ia subvariants i se taimi o lenei tausaga.
E manatu Professor Michael Plank e ui e faigata ona iloa nisi o variants, ae o loo iai se tuufaatasiga o strains i atunuu i fafo e ono afua ai se isi wave o le faamai i Niu Sila nei pe afai e oo mai.
E fautuaina ai le ono silasila o le malo i le second booster ina ia agavaa ai ma isi age groups e atili faatele ai le puipuiga mai lenei faamai.
