E ui e foliga sa tau iai se mapusaga mo Aukilani mai timuga i le aso ananafi peitai ua toe lapatai mai foi le vaaitau o le a toe faaletonu foi uiga o le tau i le agai atu i le afiafi nanei.
O le vaaitau o loo faamautu i Aukilani sa ia faailoa i se tala lata mai o le tau e mamafa timuga mo Northland e faasolo atu lava i le 4 i le vaveao a taeao.
O le Coromandel Peninsula o loo lapataia mai timuga amata i le afiafi ananei faasolo atu i le taeao a taeao.
O isi vaega o Aukilani o loo fautuaina foi faapea Bay of Plenty ma isi vaega lalata ane.
Ua fautuaina foi matagi malolosi mo Northland i le aso agai atu a taeao ma fai mai le vaaitau o loo vaavaai e tai pei lava foi le tetele o timuga ia i le aso lea.
O le fautuaga lautele o loo faamatuu mo le mamalu o le atunuu ina ia faaeteete ma usitaia lapataiga o loo faalauiloa mai e leoleo aemaise foi le vaaitau.
