Ua iai se fautuaga ua tuuina ane mai le Southern District Health Board I tagata ia faamautinoa o loo ua maea ona faia uma o latou tui o le misela, mami ma le rupela ina ia faaitiitia ai le aafia I le pepesi o le misela.
I le tausaga 2019 na silia ai male 2afe tagata na aafia I le misela I le atunuu atoa ma le tusa ma le 72 cases sa faamauina mai I le faaitu lea o Southern Region.Fai mai lesui ole Southern DHB, Deborah Hay o le itiiti o tagata ua faia tui puipui o le misela atoa ai ma le toe tatala o tuaoi faavaomalo ma totonu foi o le atunuu ua siitia ai le avanoa e toe pepesi ai foi le misela. Fai mai Hay ile toe tatala ai o tuaoi o Niu Sila mo faigamalaga faavaomalo ua iai foi ma se lamatiaga o tagata mai le ono pepesi mai ai o le faamai.
E lua tui o le misela e mafai ona oo atu ai I le 99 pasene le puipuiga o tagata mai lea faamai pei ona faailoa e Hay. E mafai ona valaau tagata ile Healthline pe agai foi ile upega tafailagi mo nisi faamatalaga faatatau I tui puipui o le misela le MMR Vaccine.
