Ua fautuaina le au faitaavale i le tau o le penisini a o lalata mai nisi long weekends i le atunuu aemaise i nisi o aai tele o Ausetalia.
O le tau o le penisini i Sini ua silia ma le 30sene i le lita ua siitia ai i le lua vaiaso talu ai ma ua oo atu i le $197.6 sene i le lita mo le unleaded ma o le tau maualalo lea ua iai le unleaded i le taimi nei.
Mo Melepone ma Brisbane ua oo atu i le silia ma le $203 sene i le lita ua faatau ai.
Ua fautua mai ai le NRMA i le au faitaavale ina ia vaavaai i pamu o loo taugofie ai le penisini ma faaaogā tatau loa lea avanoa e faatumu ai taavale a o lumanai le long weekend.
Fai mai le NRMA o luitau i le tau o le soifuaga, o le luitau tele lea ua feagai ma tagata ma o loo faia pea le talosaga i kamupani ina ia faapa’ū ane le tau o le penisini.
