Ua enaena le mutia i soo se vaega o le atunuu ona o le malosi o mugala, ma e oo lava i le laufanua ua magumagu ma paa’a lea ua lamatia i le ono aafia i ni mu, pe a lē faaeteete i ni afi e faia i galuega o le faamamāina o le vao, poo le togi solo o muli sikaleti.
O le mafuaaga lea o le aumai i se tulaga faalauaitele e le pulega o le tineimu ma faalavelave faafuase’i se fautuaga i le atunuu i vaega e ao ona nofouta iai.
O le fautuaga mai le pulega o le tineimu ma faalavelave faafuase’i o le aua le toe susunuina lapisi ma otaota, ma le vaomatua.
Aua foi ne’i lafoa’i toega o sikaleti i tafāala ma soo se vaega o le fanua ua mago, ma titina lelei i ni vai motumotu o magālafu ma lagolago o umu pe a mae’a se gasegasega o taumafa.
Ua ave foi le fautuaga i le pulega mamalu a alii ma faipule o nuu ma afioaga aemaise o sui o nuu ma sui tamaitai ina galulue faatasi ma le pulega mo se Samoa saogalemu.
