E amata atu i le asō ua fautuaina ai e le vaaitau le tau vevela mo le tele o faaitu o Ausetalia ma o le a faaauau pea ona siitia le vevela i nai aso o lumanai ai.
E i le va o le 4-12 tikeri o loo ta’ua e ono siitia ai le vevela o le tau mai tulaga e masani ona iai i le taimi faapenei i tausaga taitasi.
Ua lipotia o tulaga to faata’uta’u e sau faatasi ma uiga louloua o le tau o le a aafia ai foi nisi o setete e pei o Vitoria ma Ausetalia i Saute.
Ua fautuaina ai foi ma tagata e aumau i le itu i Saute ma le ogatotonu o Niu Sa Uelese ina mataitu tulaga o afi e ono sasao ane ona o le vevela o le tau, ma e ono ogaoga ona aafiaga.
I Sini lava ia i le asō ua faailoa e le vaaitau e iai vaega o le aai o le a oo atu i le toeiititi 40 tikeri le vevela.
Ua faailoa e le Weatherzone e ui ua mae’a aloaia le ituaiga tau o le La Nina ae ua maitauina le faatupulaia vave o le vevela o le sami.
