E lē o toe na ma le lāina le tulai mai pea o le faafitauli o le lē faia o siaki masani mo tina to, ae faapea foi le faatinoina o aiga fuafuaina.

Faaalia e le tamaitai tausi soifua faamauina ma faatosaga o Robyn Rachel Lui Yuen, o le toatele o nisi tina a fautuaina le faia o aiga fuafuaina ae faailoa atu e lē mananao tamā e faia lea tulaga.

Peitai na faailoa manino e Lui Yuen e tatau ona lava le malosi i le tina aemaise o le pepe i totonu o le 5 masina ona faatoa mafaufau lea e fai se isi pepe.

Faailoa e Lui Yuen e iai se tasi o tina e toa 11 nai ona alo ma e sosoo tausaga lava tamaiti, peitai na uma le ola o le uii.

Ma na maua foi i faamaumauga a le falemai, mai le fanau e toa 10 a lea tina e lei faia lava sana aiga fuafuaina, ma o itu ia na afua ai lava ona fano le ola o si ana pepe.

Ta’ua e le tamaitai tausi soifua, e fautuaina lava tina ina ia oo atu ma tamā e faamalamalama ai le tāua o le faia o le aiga fuafuaina, e lē taofia ai le toe faia o ni tamaiti ae ia taumafai e vasa’i ai le sosoo o tamaiti.

O le itu lea ua tele ai faafitauli ua tulai mai i fanau aemaise o tina to ona o le lē faia o ni siaki faapea ai ma aiga fuafuaina.