Ua lipotia e le ABC se fautuaga mai le ofisa o lafoga a Ausetalia le ATO ina ia taofiofi teisi le failaina o tax return seia maua uma o latou faamaumauga ma faailoa foi suiga i le tausaga faaletupe 2023/2024 e ono maualalo ai tupe maua mai returns i le tausaga nei ma nisi o le a iai aitalafu e toe totogi i le ATO.
E tolu auala o loo faailoa mai e mafai ona talosagaina ai le refund, o le faia lea i luga o upega tafailagi, talosaga e tauala i se auaunaga ua lesitalaina (tax agent) pe faaaogā foi le pepa faatumu e faia ai le talosaga.
O loo iai pea lava ma lapataiga i tagata ia mataala i faiga taufaasese e ono aafia ai a o faagaioi talosaga mo tupe toe maua mai i lafoga auā o le taimi foi lenei ua matuai mataala le au taufaavalea i le sailiga o ni avanoa e maua ai ni faamanuiaga mai le au totogi lafoga.
